Agjenti i Elseid Hysajt beson se mbrojtësi është i lumtur te Napoli dhe skuadra italiane nuk do të lejoj atë të largohet asnjëherë nga skuadra.

Reprezentuesi i Shqipërisë iu bashkua ‘Partenopeit’ nga Empoli në verën e vitit 2015 dhe pavarësisht kërkesave për transferim larg nga klubi, ai thuhet se është i lumtur te gjiganti në Serie A, transmeton portali arbersh.info.

“Lojtari është në dashuri me Napolin, ai është i lumtur këtu dhe mund të mos largohet kurrë”, tha Mario Giuffredi për ‘Radio Kiss Kiss’. “Qyteti e ka pritur shumë mirë atë, ai është i qetë dhe ndihet si një qytetar i napolitan. Nuk është rastësi që ai shpesh më thotë se napolitanët dhe shqiptarët janë shumë të ngjashëm”

“Është e vërtetë që ai ka pasur një fillim të komplikuar të sezonit, por në pjesën e dytë ai është rikthyer te niveli i vitit të kaluar”

Manchester United dhe Arsenali raportohet se janë pjesë e klubeve të mëdha që kanë shfaqur interesim te ylli i Kombëtares Shqiptare./arbresh.info